Бұл мемлекетте Украинада сияқты нацистік процестер басталуы мүмкін – Дмитрий Дробницкий
Ресейлік саясаттанушылар елімізге тағы да тіл тигізді, деп хабарлайды qaz365.kz тілшісі.
Ресейлік танымал пропагандалық “Вечер с Владимиром Соловьевым” бағдарламасына келген қонақтар пікірталас алаңында жүргізушінің біздің елге бағыттай қойған құйтырқы сұрағына келісе жауап берген.
“Назар аударыңыздар! Ресейдің Украинадан кейінгі мәселесі Қазақстан. Өйткені бұл мемлекетте Украинада сияқты нацистік процестер басталуы мүмкін. Ол жақта орыс азаматтар көп. Біздің Қазақстанмен шекарамыз үлкен. Семипалатинскте Росатомның ядролық отыны мен қуат көзі де сонда”, – деді Ресейлі саясаттанушы Дмитрий Дробницкий.
Ресейлік саясаткерлер тарапынан Қазақстанның шекаралық тұтастығы мен егемедігіне қарата айтылған пікірлер бірінші рет емес. Бірнеше рет қайталанып отыр. Ресейлік саясаткерлердің соңғы сөздері жайында ҚР Сыртқы істер министрлігі әзірге ресми пікір білдірген жоқ.
