Қаражат республикалық бюджетке жіберілді
Мемлекетке 44,6 миллиард теңге қайтарылды, деп хабарлайды Qaz365.kz тілшісі Антикордың баспасөз қызметіне сілтеме жасап.
Сыбайлас жемқорлыққа қарсы қызметпен Қайрат Сатыбалдыұлына қатысты қылмыстық істерді тергеу шеңберінде мемлекетке 2024 жылдың басынан бастап қосымша 44,6 млрд теңге қайтарылды.
Қазір қаражат мемлекетке келтірілген залалды өтеу есебінен республикалық бюджетке жіберілді.
Еске салайық, 2023 жылы желтоқсанда Қайрат Сатыбалдыұлы 55 миллиард теңгеден аса ақшаны мемлекетке қайтарған болатын. Антикор Қайрат Сатыбалдыұлына және басқа да адамдарға қатысты жүргізіліп жатқан тергеру шеңберінде елден заңсыз шығарылған активтерді, оның ішінде қылмыстық жолмен алынған ақшаны және өзге де мүлікті қайтарып жатқанын хабарлаған болатын.
