Әкім кеңеске ресейлік өнімнің бірнеше үлгісін әкелді
Қала, аудан және ауылдық округ әкімдерінің басын қосып, өткізген кеңесте өңір басшысы Ермек Көшербаев облыста консервілер өндірісі мүлде жоқтығына назар аударды, деп хабарлайды Qaz365.kz.
Әкім кеңеске ресейлік өнімнің бірнеше үлгісін әкеліп, олардың құрамын оқып берді. Бір қызығы, сол құрамдағы керектінің бәрі де Шығыс Қазақстанда бар екен. Бірақ мұндай өнімнің негізгі бөлігі басқа елдерден әкелінеді.
"Корнишоны, дядя Ваня – түр-түрі бізге келіп жатыр. Құрамындағы қияр бізде бар ма? Бар. Су бар ма? Бар. Қант? Жетіп жатыр. Тұз бар, шөп бар, аскөк бар, пияз бар, қара бұршақ бар, лавр жапырағы өсіп тұр. Бірақ ең қызығы, бізде бәрі бар болса, олар қайда кетіп жатқанын білмейміз. Бұл өнім Краснодар өлкесі Каневский ауданы Новоминская ауылында өндірілген екен. Ол адамдар бізден жақсы ма, әлде қияры дәмді ме, мен түсіне алмаймын. Біз Новоминская ауылына ақша береміз бе? Бүгін біз сіздермен Новоминская ауылын асырап жатырмыз.
Сіздер менің не жайлы айтып тұрғанымды түсінесіздер бе? Әрі қарай, тіскебасар көкөніс. Бізде бұрыш бар ма? Бар. Сәбіз бар ма? Бар. Пияз бар ма? Бар. Күнбағыс майы. Томат пастасы. Қант, тұз, бұрыш, ұнтақталған қызылбұрыш бәрі бар. Ал мұның өндірушісі Воронеж облысы, Семилук ауданы Семилуки ауылы", - дейді ШҚО әкімі.
Көшербаев Қазақстанның басқа да аймақтары Ресейде мұндай өндіріс ошақтарын асырап отырған болар деп тұспалдады.
"Семилукта адамдар отырады да, иә, Қазақстан, Шығыс Қазақстан облысы, бізді асырап отыр деседі. Егер олар жеп отырған өнім Марқакөл ауданы Боран ауылында шығарылады әрі сол өнім Калининградта сатылады десе қуанатын едім. Бізде қарақат толып жатыр. Сатып алмаймыз десеңіздер, ол өтірік. Егер ол сатылмаса, мұндай болмас еді. Бұл құмыраны 3000 шақырымға жеткізу еріккен ермегі емес. Ол көп мөлшерде әкелінеді", - деді облыс әкімі.
Ол сондай-ақ, Қазақстан бидайдың орасан зор мөлшерін жеткізсе де, оны шартты түрде италиялық барилла компаниясы ретінде өңдемейтінін атап өтті.
"Барилла – бұл қатты бидайдан және айтпақшы, қазақстандық бидайдан спагетти өндіретін италиялық компания. Қазақстан шамамен 16-18 миллион тонна бидай өндіреді. Оның 600-800 мың тоннаға жуығының қатты сорттары бар. Оның 500 мың тоннасы Италияға жеткізіледі. Оның 400 мың тоннасын біздің бизнесмендер, Шығыс Қазақстан жеткізеді. Бұл жағына мақтануға болар", - деді әкім соңында.
