Бұған дейін Кәрім Мәсімов президенттен рақымшылық жасауды сұраған
ҰҚК экс-төрағасы Кәрім Мәсімовке рақымшылық берілмейді. Бұл туралы мәжіліс депутаты Абзал Құспан айтты, деп хабарлайды Qaz365.kz.
«Президент жанындағы азаматтарға кешірім жасау жөніндегі комиссиясы Кәрім Мәсімовке кешірім беруден бас тартты», – деп жазды ол әлеуметтік желідегі парақшасында.
Айта кетейік, бұған дейін мемлекетке опасыздық жасағаны үшін сотталған ҰҚК бұрынғы төрағасы Кәрім Мәсімов президенттен рақымшылық жасауды сұрап, өтініш жолдағаны хабарланған.
