2024 жылдың 1 қаңтарындағы жағдай бойынша жалпы ішкі өнімнің 22,7 пайызы – 27 трлн теңгені құраған
Мәжіліс депутаты Мархабат Жайымбетов Қазақстанның сыртқы қарызының өсіп кеткеніне назар аударды, деп хабарлайды Qaz365.kz.
«Шығысымыз 25.6 трлн теңге, кірісіміз 15.6 трлн теңге . Сонда 10 трлн теңге қарыз. 40 пайыз..Әр отбасының 60 мың теңге табыс болса, 40 мың теңге қарызға аламыз деген сөз. Ардақ Теңгебаев – Жоғарғы аудиторлық палата өкілі еді жаңа аудитория палатаның өкілі айтты. Мұнайдың бағасы 75 доллар емес 70, 65 долларға түседі деді. Яғни, біз әлі де қарызды көбейтеміз. Триллиондап қайтадан қарыз аламыз. Бұған не айтасыз?» - деп сұрады Мархабат Жайымбетов.
Ұлттық экономика вице-министрі Азамат Әмрин 2024 жылдың 1 қаңтарындағы жағдай бойынша жалпы ішкі өнімнің 22,7 пайызы – 27 трлн теңге құрағанын атап өтті.
«2025 жылғы жобада ол 36 трлн (ЖІӨ 27 пайызы) теңгені құрады. Бізде ең рұқсат етілген шегі – 29 пайыз. 2024-2025 жылдың қорытындысы бойынша 27 пайыз – бар шегі. Демек, біз шектен асқан жоқпыз», - дейді Әмрин.
