Өнер иесі оқырмандарының өтінішін орындаған.
«КешYOU» тобының бұрынғы солисі, әнші әрі актриса Кәмшат Жолдыбаева алғаш рет тойынан сурет жариялап, күйеуі – актер Ғазрет Ержановпен қалай танысқанын әңгімелеп берді, деп хабарлайды Qaz365.kz.
Жанкүйерлер Кәмшаттан: ол қазіргі жары «Ғазрет Ержановпен «Рауза» телехикаясының түсірілімі кезінде танысқан деген рас па?» деп сұрады. Әнші бұл ақпаратты растады – олардың таныстығы дәл сол сериалдың түсірілім алаңында басталған екен.
Әлеуметтік желідегі оқырмандары Кәмшаттан үйлену тойындағы суреттерін көрсетуін өтінді.
Біз сіздің тойыңыздан суреттерді әлі көрмеппіз ғой, – деп жазды желі қолданушылары.
Жолдыбаева көпшіліктің өтінішін орындап, жұбайымен бірге тойдағы суретін жариялады. Суретте Кәмшат ұлттық киім мен ақ орамал тағып тұр, ал Ғазрет ақ жейде киіп, камераға қарап жымиып, көзін қысып түскен.
Сонымен қатар Камшат не себепті киноға түспей жүргенін де түсіндірді:
Шүкір, шақыртулар көп. Бірақ киноға түспей жүруімнің өз себептері бар. Мен киноны сағындым, кино да мені сағынған болар – бір күні бәрібір қайта қауышамыз, – деп жазды актриса.
