×

«Ұят болды»: Роза Рымбаеваның Ақтаудағы концертіне 50 адам ғана келді

Көрермен жиналмады

«Ұят болды»: Роза Рымбаеваның Ақтаудағы концертіне 50 адам ғана келді
Фото:скриншот / Instagram rozarymbaeva

ҚР Халық әртісі, 65 жастағы Роза Рымбаева Амал мерекесіне орай Ақтау қаласында концерт өткізген. Бірақ көрермен жиналмады, деп хабарлайды Qaz365.kz.

Оның концерті қаладағы 15-шағын ауданда өтуі керек болған. Бірақ бұл күні құтқару қызметі Маңғыстау облысының тұрғындарына секундына 20 метрге дейін жел соғатыны туралы хабарлама жіберген. Ауа райының қолайсыздығына қарамастан, әнші концертін өткізу туралы шешім қабылдап, жиналғандар алдында өнер көрсетті.

«Біз концертті кейінге қалдырғымыз келген, бірақ Роза Рымбаева бұған үзілді-кесілді қарсы болды. Ақтау тұрғындары аптап ыстықта да, аязды күні де, дауылда да, тіпті сусыз қалған күндері де осы қаланы тұрғызды. Сондықтан бұл концерт – Ақтау тұрғындарына деген құрмет», - деген әнші.

Оның кешінде 50-ге жуық адам ғана келген. Желі қолданушылары өнер иесінен ұят болғанын жазып жатыр.

«Ешкім келмесе де, гонорарын алады ғой. Оған бәрібір», «Әкімшіліктен басқа ешкім келмеген бе?», «Фонограммамен құлақтан теуіп кетеді», «50 адамға концерт беріп тұр ма?», «Концерті қызық емес», «Қоя салу керек», - деген пікірлер бар.

БіздіңTelegram каналына жазылып, соңғы ақпаратты оқыңыз. Егер хабарлама жолдағыңыз келсе, WhatsApp мессенжеріне жазыңыз.

Аватар автора
Qaz365.kz редакциясы

 Редактор

Бөлім жаңалықтары

Тағы оқыңыз
«Неге мас?»: Argonya-ның сахнадағы әрекеті желіде қызу талқыға түсті
Кеше, 16:50

«Неге мас?»: Argonya-ның сахнадағы әрекеті желіде қызу талқыға түсті

Видеода Argonya көпшілікті қандай да бір мерекемен құттықтайды
Концерт Дүниежүзілік көшпенділер ойындары аясында ұйымдастырылады
Әншінің анасы Гүлзира Айдарбекова өз сұхбатында, мұндай қиындықты ешкімге тілемейтінін айтып, сындарлы сәтте қолдау білдіргендерге алғысын білдірді
Ол немерелерінің уайымдап жүргенін айтты

Соңғы жаңалықтар

Барлық жаңалық →