Жоғарғы соттың байланыс бөлімі ақпаратты растады
Белгілі эстрада жұлдызы Қайрат Нұртас ұсталды, деп хабарлайды Qaz365.kz.
Аталған ақпаратты Көліктегі полиция басқармасының баспасөз қызметі растады.
«Алматы-Астана» рейсінің бортында ұсақ бұзақылық және денсаулыққа қасақана жеңіл зиян келтіру фактісі бойынша әкімшілік іс қозғалып, материалдар сотқа қарау үшін жолданды», - делінген ақпаратта.
Сондай-ақ Жоғарғы соттың байланыс бөлімі де ақпаратты растады.
«Астананың әкімшілік құқықбұзушылықтар жөніндегі мамандандырылған ауданаралық сотына ӘҚБтК-нің 434-бабының 2-бөлігі (жыл ішінде қайталап жасалған ұсақ бұзақылық) және ӘҚБтК-нің 73-баптың 1-1-бөлігі (денсаулыққа қасақана жеңіл зиян келтіру) бойынша Қайрат Айдарбековқа қатысты екі материал келіп түсті», – делінген хабарламада.
Айта кетейік, бұған дейін белгілі әзілкеш Тұрсынбек Қабатов та бес күнге қамалған еді.
