Әлеуметтік желіде Түркістан облысында 9 миллиард теңгенің қалай «құмға сіңгені» туралы видео тарады, деп хабарлайды Qaz365.kz.
Бұл Өмірзақ Шөкеев әкім болып тұрған кездегі жағдай. Бейнежазбада жағдайдың қаншалықты мүшкіл екені анық көрінеді – шынайы кадрлар бұл инвестицияның орынды жұмсалғанына және жүзеге асырылған нысандардың сапасына қатысты сұрақтар туындатады.
Қоғам белсендісі Дидар Смағұлов болса, мұны «Шөкеев жағажайы» деп атады. Өйткені бұл жобаға қаржы Өмірзақ Шөкеев Түркістан облысының әкімі болып тұрған кезде бөлінген. Қоғам белсендісі қазіргі жағажайдың жағдайы көңіл көншітпейтінін жеткізді.
Құжаттарда бұл кешен «халықаралық деңгейдегі туристік нысан» ретінде көрсетілген. Мақсаты көктемгі су тасқынын ұстау, жергілікті және шетелдік туристер үшін жайлы демалыс орнын жасау, инвесторларды тарту, жаңа жұмыс орындарын ашу және өңір экономикасын дамыту деп көрсетілген.
Бұл әдемі сөздер үлкен қаражатты талап етеді. Ал Түркістан облысында мұндай мүмкіндік жеткілікті. Сол себепті 2020-21 жылдары су асты каналын салуға, жасанды көлді тереңдетуге және жағалауды қорғауға 1 815 699 000 теңге жұмсалды. 2022 жылғы қараша айында тағы да абаттандыру үшін: пирстер, көпірлер, модульдік ғимараттардың құрылысы – душ пен киім ауыстыратын бөлме, санитарлық торап, касса, жалға беру пункттері үшін 7 030 120 956 теңге игерілді. Жағажайға бөлінген сомада , не де болса, біз бұрын-соңды мұндай нәрсені көрмегенбіз, - дейді ол.
Дидар Смағұлов әріптесі жазда барып көргенімен, суға түсуге батылы бармаған. Сол кезде жағажайда жалғыз бір жұп қана болған. Ол инфрақұрылымның жағдайы өте мүшкіл екенін айтады. Оның айтуынша, кей жерлерде тас төсеуіш төселмеген, орындықтар, жарық бағаналары (шамдары жоқ), ағаштар қарастырылмаған.
Суретте инфрақұрылымның қираған және аяқталмаған күйін көре аласыз. Жағажайдың аяқ жағына тас та төселмеген, сәкі, жарық бағаналары (жарық шамдары жоқ) және ағаштарды айтудың өзі артық. (...) 9 миллиард теңге, бұл шамамен 20 миллион доллар. Иә, мұнда Дубай болуы керек еді. Алып-қосар сөз жоқ, - дейді қоғам белсендісі.
