Қазіргі уақытта балалардың денсаулығына ешқандай қауіп жоқ, олар амбулаториялық ем қабылдауда.
Маңғыстау облысы, Бейнеу ауылындағы жалпы білім беретін мектептің оқушылары ауруханаға улану белгілерімен түсті. Зардап шеккен балалардың барлығы 2, 3 және 5-сынып оқушылары, деп хабарлайды Qaz365.kz.
Балалар - Манашы орта мектебінің 2, 3, 5-сынып оқушылары.
Айтылған ақпарат бойынша кәсіпкер Ақтау қаласынан, оны жүргізіп отырған Бейнеу тұрғыны деген де әңгіме бар. Мұндай жағдай бұрын осыдан бір екі ай шамасында Сам орта мектебінде де болған, бірақ ол жағдай ықпалды адамдардың араласуымен жабылып қалды, - дейді Тілектес Байманова есімді қолданушы.
Оның бұл жазбасына Бейнеу ауданы әкімдігі жауап берді.
Бұл балалар мектептен немесе сырттан тамақ жегені жөнінде нақты ақпарат жоқ. Аудандық СЭС тарапынан сынамалар алынды. Қорытынды 3 жұмыс күні ішінде шығады. 1сәуір күні сағат 19:05 – 23:00 аралығында Бейнеу аудандық орталық ауруханасының қабылдау бөліміне құсу, әлсіздікке шығымданған 11 бала жедел жәрдем көлігімен ауруханаға жеткізілді.Дәрігерлердің қарауынан кейін барлық 11 бала үйлеріне жіберілді. Ауруханаға жатқызылғандары жоқ.Қазіргі уақытта балалардың денсаулығы бірқалыпты, амбулаторлық бақылауда. Бейнеу аудандық санитариялық - эпидемиологиялық бақылау басқармасының мамандарымен осы жағдайлар бойынша жедел тергеп-тексеру жүргізіліп азық-түлік сынамаларын зертханалық зерттеулерге алып тиісті санитариялық профилактикалық іс-шаралар жүргізіп оқиғаның неден болғаны анықтау үстінде.- дейді Бейнеу ауданы әкімінің баспасөз қызметі
Қазіргі уақытта балалардың денсаулығына ешқандай қауіп жоқ, олар амбулаториялық ем қабылдауда. Тексеру нәтижелері бойынша нақты қорытындылар жарияланады.
