Ғарышкерлер бақжолында 110 түп ағаш отырғызылды
2025 жылғы 5 сәуірде «Таза Қазақстан» жалпыұлттық экологиялық акциясы аясында Ұлытау облысында кең ауқымды жалпыоблыстық сенбілік өтті, деп хабарлайды Qaz365.kz.
Игі шараның басты мақсаты – өңірде экологиялық мәдениетті қалыптастыру, тұрғындарды қоршаған ортаны қорғауға және тазалықты сақтауға шақыру.
Сенбілік барысында Жезқазған қаласындағы Ғарышкерлер бақжолында 110 түп ағаш отырғызу жоспарланып, аталған іске облыс әкімі Дастан Рыспеков, мемлекеттік мекемелер қызметкерлері, түрлі ұйымдар, еріктілер мен қала тұрғындары белсенді қатысты.
Тазалық пен тәртіп – әрбір азаматтың ортақ міндеті. Табиғатты аялау – болашақ ұрпақ алдындағы зор жауапкершілік.
