Бес күндік жұмыс кестесімен жұмыс істейтіндер тамыз айында 10 күн демалады.
Жаздың соңғы айында қазақстандықтар Конституция күніне орай қосымша бір күн демалады. Qaz365.kz мереке мен демалыс күндерін алдын ала жоспарлап қоюға көмектесетін ыңғайлы күнтізбе дайындады.
Мереке туралы
Конституция күні – еліміздегі ең маңызды мемлекеттік мерекелердің бірі. Жыл сайын 30 тамызда Қазақстан 1995 жылы қабылданған негізгі заңның қабылдануын атап өтеді. Бұл заң – еліміздің құқықтық және саяси негізін айқындайтын басты құжат.
2025 жылы қазақстандықтар қалай демалады?
Бес күндік жұмыс аптасы
Дүйсенбіден жұмаға дейін жұмыс істейтіндер үшін Конституция күніне орай үш күндік демалыс болады. 2025 жылы 30 тамыз сенбіге түсетіндіктен, «Мерекелер туралы» заңға сәйкес, демалыс күні дүйсенбіге – 1 қыркүйекке ауыстырылады.
Осылайша, бес күндік жұмыс кестесімен жұмыс істейтіндер тамыз айында 10 күн демалады.
Демалыс күндері:
30 тамыз (сенбі)
31 тамыз (жексенбі)
1 қыркүйек (дүйсенбі – ауыстырылған демалыс)
Алты күндік жұмыс аптасы
Алты күн жұмыс істейтіндер де 30 тамызда – сенбі күні демалады. Бірақ олар үшін 1 қыркүйек – жұмыс күні.
Демалыс күндері:
30 тамыз (сенбі)
31 тамыз (жексенбі)
1 қыркүйек – жұмыс күні
Осылайша, алты күн жұмыс істейтіндер тамызда 6 күн ғана демалады.
