Туристік инфрақұрылымның дамуы байқалады
2023 жылы Алматы қаласының жалпы өңірлік өнімі нақты мәнде 10,1% ұлғайып, 24,8 трлн теңгеге жетті, бұл соңғы 10 жылдағы рекордтық көрсеткіш. Экономист Диас Құмарбековтың пікірінше, Алматының жалпы өңірлік өнімінің 2023 жылы 10,1% өсуі бірнеше негізгі факторға байланысты, деп хабарлайды Qaz365.kz.
«Бұл ең әуелі 2022 жылы қабылданған қалалық даму бағдарламасын тиімді орындаудың нәтижесі. Бағдарлама жаңа экономикалық секторларды құруға және тұрақты экономикалық өсуге бағытталған. Сонымен қатар, жергілікті өндіріс пен кәсіпкерлікті белсенді қолдау бизнестің қажеттіліктерін қанағаттандыруға көмектеседі және қаланың елдің ЖІӨ-ге қосқан үлесін арттыруға ықпал етеді», - деді Диас Құмарбеков.
Экономиканы дамыту драйверлері өңдеу өнеркәсібі (+17,5%), сауда (+14,5%), қаржы және сақтандыру қызметі (+12,0%), ақпарат және байланыс (+11,3%), жылжымайтын мүлікпен операция (+6,9%), көлік және қоймалау (+5,7%) болды. Сарапшының пікірінше, негізгі тиімді шаралардың бірі өңдеу өнеркәсібі сияқты басым секторларды дамыту. IT-секторды, креативті индустрияларды және туристік саланы қолдау қала экономикасына жаңа мүмкіндіктер ашады және тұрғындардың табысын арттыруға ықпал ететін жоғары сапалы жұмыс орындарын ашады.
«Негізгі секторлар экономикалық өрлеуге айтарлықтай үлес қосты. Әсіресе, өңдеу өнеркәсібі 17,5% өсіммен ерекшеленеді, бұл өндіріс қуатының кеңеюін және өндірілген өнім көлемінің ұлғаюын көрсетеді. 14,5% өскен сауда ішкі тұтынудың жандануын және тұтынушылық белсенділіктің жақсарғанын көрсетеді. 11,3% өсім көрсеткен ақпарат және байланыс секторы қаланың цифрландыру мен инновациялық дамуын жеделдетуге баса назар аударады», - деді сарапшы.
Диас Құмарбеков бүгінде әуежайдың жаңа терминалы мен заманауи көрме орталығын қосқанда, туристік инфрақұрылымның дамуы байқалады, бұл қосымша инвестиция тартады және эко-туризмнің дамуына ықпал етеді. Жеке инвестицияның 35,5% өсуі қаланың жеке капиталға тартымдылығын көрсетеді, бұл одан әрі даму мен инновацияның негізін қалады. Бұл қадамдар қалаға «Орташа табыс тұзағынан» шығуға көмектеседі және ұзақ мерзімді экономикалық прогресс үшін тұрақты негіз жасайды, қала тұрғындарының әл-ауқатын арттыруға ықпал етеді.
