Бүгін еркін сайыста отандасымыз 182.96 ұпай алды
Мәнерлеп сырғанаудан Қазақстан құрамасының көшбасшысы Михаил Шайдоров Қытайдың Чунцин қаласында өткен Гран-при кезеңінде күміс жүлдеге ие болды, деп хабарлайды Qaz365.kz
Ол кеше қысқа бағдарламада сәтті өнер көрсетіп, 93,21 ұпай жинаған. Сөйтіп екінші орынға тұрақтаған еді.
Бүгін еркін сайыста отандасымыз 182.96 ұпай алып, басымдығын сақтап қалды.
Еске сала кетейік, былтыр Шайдоров осы жарыстың қола жүлдегері атанған.
Ерлер арасында Шун Сато (Жапония) 278.48 ұпаймен жеңіске жетті. Үздік үштікті француз Адам Сяо Хим Фа түйіндеді. Биыл турнирге барлығы 15 елден 60 спортшы қатысты.
