урнирге 25 елден 106 команда қатысқан
Қазақстан полицейлері Нидерландының Айберген қаласында өтіп жатқан шағын футболдан «World Police Indoor Soccer Tournament» халықаралық турнирінің жеңімпазы атанды, – деп хабарлайды Polisia.kz.
Жарыс төрт санат бойынша өткізілген. Ерлер, әйелдер, 35 жастан және 45 жастан асқан ер адамдар. Турнирге 25 елден 106 команда қатысқан.
“Қазақстан ІІМ намысын Шымкент қаласы полиция департаментінің қызметкерлері қорғады. Олар жоғары дайындық деңгейін көрсетіп, бірінші орынды иеленді”, – делінген Полиция хабарламасында.
Бұл жарыс 1982 жылдан бері өткізіліп келеді және жыл сайын әлемнің түкпір-түкпірінен түрлі мемлекеттік құрылымдардың қызметкерлерін жинайды. Жалпы бұл спорттық сайысқа полиция қызметкерлері, өрт сөндірушілер, кеден қызметкерлері, әскерилер мен салық инспекторлары қатысады.
