Алғаш рет Қырғызстаннан журналистер құрамасы келді
Талдықорған қаласындағы «Жастар» спорт сарайында БАҚ өкілдері арасында футзалдан белгілі журналист, қоғам қайраткері Бейсен Құранбекті еске алуға арналған турнир өз мәресіне жетті, деп хабарлайды Qaz365.kz.
Республикалық деңгейдегі жарыс осымен төртінші жыл қатарынан ұйымдастырылды. Алғаш рет Қырғызстаннан журналистер құрамасы келді. Сөйтіп турнир халықаралық статусқа ие болды.
Жарыс қорытындысы бойынша жергілікті «Қарекет» командасы жеңіске жетті. Олар финалда пенальти сериясынан Қырғызстан құрамасынан басым түсті.
Үшінші орын Qaz365.kz командасына бұйырды.
Жарыс Жетісу облысының әкімдігінің қолдауымен өтті.
Еске сала кетейік, Qaz365kz командасы 2023 жылғы аталмыш турнирдің чемпионы атанған.
