Отандасымыз жекпе-жекте WBO және IBF нұсқасы бойынша әлем чемпионы атағын қорғайды
Жәнібек Әлімханұлының келесі жекпе-жегінің орны мен қарсыласы белгілі болды, деп хабарлайды Qaz365.kz.
Бұл туралы белгілі инсайдер Майкл Копинджер ақпарат таратты.
Отандасымыз (16-0, 11 КО) 5 сәуір күні Астанада франциялық Анауэль Нгамиссенгемен (13-0, 8 КО) жұдырықтасады.
Qazaq Style «Барыс Аренада» өтетін жекпе-жекте WBO және IBF нұсқасы бойынша әлем чемпионы атағын қорғайды.
Жәнібек ESPN нұсқасы бойынша рейтингте бірінші нөмірде тұрған боксшы. Нгамиссенге жетінші орынға орналасқан. Отандасымыз WBO чемпиондық атағын бесінші рет, IBF белбеуін екінші рет қорғайды.
Анауэль Нгамиссенге Конгода дүниеге келген боксшы. Алғаш рет 12 раундтық жекпе-жекке шығады. Ал Жәнібек биыл күзге дейін үш бірдей чемпиондық атақтың басын біріктіргісі келеді.
