Турнирдің финалдық кезеңі Қытайдың Шэньчжэнь қаласында өтеді
Қазақстан әйелдер құрамасы теннистен Билли Джин Кинг кубогының финалдық кезеңіне 3 рет өтті, деп хабарлайды Qaz365.kz.
Бұл туралы Қазақстан теннис федарациясының баспасөз қызметі мәлімдеді.
“Қазақстан әйелдер құрамасы теннистен Билли Джин Кинг кубогының финалдық кезеңіне жолдама алды. D тобындағы соңғы матчта Юрий Щукиннің шәкірттері Колумбия құрамасынан 2:0 есебімен басым түсті. Алғашқы кездесуде Юлия Путинцева Валентина Ариасты 6:0, 6:1 есебімен ұтса, екінші ойында Елена Рыбакина Хулиана Лисаразоны 6:1, 6:2 есебімен жеңді”, – делінген ҚТФ хабарламасында.
Турнирдің финалдық кезеңі 16-21 қыркүйек аралығында Қытайдың Шэньчжэнь қаласында өтеді.
