Шығыс Қазақстанда екі облыстық спартакиада өз мәресіне жетті

10 қазан мен 21 қараша аралығында облыс орталығында бірден екі ірі спартакиада өтті: еңбек ұжымдары мен ұйымдар арасында, сондай-ақ құқық қорғау органдары мен күштік құрылымдар арасында. Жарыстарға 450 адам қатысты, деп хабарлайды Qaz365.kz.

Еңбек ұжымдары жеті спорт түрі бойынша бақ сынасты: волейбол, шахмат, тоғызқұмалақ, жүзу, арқан тарту, армрестлинг және үстел теннисі.

Сайыс қорытындысы бойынша 1-орынды – «Үлбі металлургиялық зауыты» АҚ, 2-орынды – «Өскемен жылу электр орталығы» ЖШС, ал 3-орынды – «ВостокЦветМет» ЖШС иеленді.

Құқық қорғау органдары мен күштік құрылымдар төрт спорт түрі бойынша өзара мықтыларды анықтады: волейбол, футзал, арқан тарту және үстел теннисі.
Нәтижесінде:

• 1-орын – ҰҚК ШҚО бойынша департаментіне,
• 2-орын – ШҚО төтенше жағдайлар департаментіне,
• 3-орын – ШҚО полиция департаментіне бұйырды.

Осындай спартакиадалар өңір үшін аса маңызды. Қатысушылар Шығыс Қазақстанда спорт дәстүрлерінің сақталып қана қоймай, одан ары дамып келе жатқанын дәлелдей түсті. Ал салауатты өмір салты еңбек ұжымдары мен күштік құрылымдар үшін әркез басты құндылықтардың бірі болып қала береді.