Қытайдың Ханчжоу қаласында өтіп жатқан ХІХ жазғы Азия ойындарында Өзбекстан спортшылары үш алтын үлгерді. Оның екеуі бүгін қоржынға түсті, деп хабарлайды Qaz365.kz.
Академиялық ескек есуден әйелдер арасында Анна Пракатень чемпион атанды. Бір қызығы, бұл спортшы 2017-2022 жылдары Ресей сапында өнер көрсеткен. Негізі Беларусь елінде туған. Кейін Ресейдің сапында Токио Олимпиадасында күміс жүлде алған.
Тағы бір алтын төрт адамдық ескек есуден бұйырды. Шехроз Хакимов, Давржон Давронов, Дилшоджон Худойбердиев және Алишер Турдиев төрттігі үздік шықты.
Кеше дзюдодан 52 келіге дейін салмақта Диёра Келдиёрова топ жарған еді. Қазіргі кезде Өзбекстан құрамасында үш алтын, төрт күміс, үш қола медаль бар
