×

IV Дүниежүзілік көшпенділер ойынында қазақ спортшылары 8 медаль жеңіп алды

3 алтын, 3 күміс және 2 қола

IV Дүниежүзілік көшпенділер ойынында қазақ спортшылары 8 медаль жеңіп алды
Gov.kz

Жарысқа әлемнің 102 мемлекетінен 3 мыңнан астам спортшы спорттың 13 түрінен қатысып жатыр. Қазақ спортшылары спорттың 5 түрінен (қазақ күресі, көкпар, көкбөрі, жамбы ату, садақ ату) өнер көрсетті деп хабарлайды qaz365.kz тілшісі ҚР Мәдениет және спорт министрлігі баспасөз қызметіне  сілтеме жасап.

ҚР Мәдениет және спорт министрі Дәурен Абаев Facebook парақшасында спортшыларымыздың жетістіктерін атап өтіп, оларды құттықтады.

Сонымен, Қазақ күресі бойынша біздің құрама қоржынында 6 медаль бар: Марат Нығматуллаев 60 келіге дейінгі салмақ дәрежесінде жеңімпаз атанды. Сондай-ақ, 65 келіге дейінгі салмақ дәрежесіндегі алтынды Зарина Сарипова жеңіп алды. Еламан Қойшыбаев (80кг) пен
Рауза Нұрмұхамметова (55 кг) күміс, ал «Қазақстан Барысы» Мақсат Исағабылов (+80 кг) пен Мөлдір Азамат (+65 кг) қола жүлдегер атанды.

Қасымхан Қанат дәстүрлі садақ атудан финалда өнер көрсетті, онда 32 елден 95 спортшы бақ сынады. Ол өзінің қарсыласы Оғыз Окшадан 2 ұпай айырмашылығымен жеңіліп, күміс жүлдеге ие болды. Тағы бір күмісті жамбы атудан отандасымыз Ералхан Айкөз жеңіп алды.

Қазақстан құрамасы көкпардан чемпион атанып, Қырғызстан командасын 4:3 есебімен жеңді. Финалға жету жолында қазақстандықтар Өзбекстан мен Моңғолия спортшыларын 8:1 және 12:2 есебімен ойсырата жеңген болатын.

Министр Дәурен Абаев өзінің Facebook парақшасында көкпар тұңғыш рет көшпенділер ойындарының бағдарламасына енгенін және бұл жеңіс бірегей тарихи оқиға екенін атап өтті.

БіздіңTelegram каналына жазылып, соңғы ақпаратты оқыңыз. Егер хабарлама жолдағыңыз келсе, WhatsApp мессенжеріне жазыңыз.

Аватар автора
Qaz365.kz редакциясы

 Редактор

Бөлім жаңалықтары

Тағы оқыңыз
Жәнібек Әлімханұлының ауруханадағы суреті тарады. Командасы мәлімдеме жасады
Бүгін, 23:44

Жәнібек Әлімханұлының ауруханадағы суреті тарады. Командасы мәлімдеме жасады

Жерлесіміздің Qazaq style командасы ресми мәлімдеме жасады
Енді 14 шілде күні Лас-Вегаста (АҚШ) жаңазеландиялық Андрей Михайловичпен кездесу өтпейтін болды
ҚФФ президенті келеңсіз жайтқа қатысты пікір білдірді
Асланбек Шымбергенов бокстан әлем чемпионы және Азия ойындарының қола жүлдегері

Соңғы жаңалықтар

Барлық жаңалық →