Олимпиада алтынына таласатын жалғыз боксшы
Париж Олимпиадасында қазақстандық боксшы Нұрбек Оралбай (80 келі) финалға шықты, деп хабарлайды Qaz365.kz.
Шаршы алаңда жерлесіміз Доминикан Республикасының өкілі Кристиан Пиналесті ұтты.
Нұрбек рингте ширақ қимылдап, аянып қалмады. Төрешілер 3:2 есебімен жеңісті отандық былғары қолғап шеберіне берді.
Осылайша, Нұрбек Оралбай Қазақстан ерлер құрамасы сапынан Олимпиаданың алтынына таласатын жалғыз боксшы болмақ.
