Кінәлі Тәуелсіздігінің отыз жылдығына байланысты рақымшылық жасалған
Шымкетте 263 млн астам теңгеге мемлекеттің мүддесі қорғалды, деп хабарлайды Qaz365.kz.
Бұл туралы ҚР Бас прокуратурасының баспасөз қызметі мәлімдеді.
“Прокуратура қызметінің басым бағыттарының бірі мемлекет мүддесін қорғау болып табылады. Жоғарғы Сот прокурордың 263 миллион теңгеден астам мемлекеттік кірістер органдарының хабарламасын заңсыз деп тапқан апелляциялық соттың қаулысын жою туралы кассациялық өтінішхатын қанағаттандырды. Осы факті бойынша қала прокуратурасы Қазақстан Республикасы Қылмыстық кодексінің 245-бабының 3-бөлігімен сотқа дейінгі тергеп-тексеруді бастап (ұйымдарға салынатын салықты және (немесе) бюджетке төленетін басқа да міндетті төлемдерді төлеуден жалтару) қылмыстық істі сотқа жолдаған.Сот талқылауы барысында «A» ЖШС-ның басшысы мемлекеттке келтірілген 261 млн теңге залалды өтеді”, – делінген прокуратура хабарламасында.
Ал соттың үкімімен «A» ЖШС-ның басшысы кінәлі деп танылып, «Қазақстан Республикасы Тәуелсіздігінің отыз жылдығына байланысты рақымшылық жасау туралы» ҚР Заңының талаптарын ескеріп 2 жыл 6 айға шартты түрдегі жазасы тағайындалған.
