Ол сонымен қатар заңсыз 2 мылтық және оқ-дәрілер сақтаған
Павлодар облысында есірткі таратқан бұрынғы ҚТЖ қызметкері ұсталды, деп хабарлайды Qaz365.kz.
Бұл туралы ҚР Ішкі істер министрлігінің баспасөз қызметі мәлімдеді.
“Үйлестіру кезінде Павлодар облысы ПД ҰҚҚКБ қызметкерлерімен жедел-іздестіру кешенін өткізу барысында есірткі өткізумен айналысқан қаланың екі тұрғыны ұсталды. Ұсталғандардың бірі белсенді екені анықталды, ол "ҚТЖ - Жүк тасымалы" ЖШС-ның бұрынғы қызметкері ескі байланыстарын іске қосып, өзімен бірге достарына есірткі таратқан. Тінту іс шараларын жүргізу барысында шамамен 700 грамм есірткі тәркіленді, зергерлік электрондық таразы, электрошокер, пневматикалық мылтық, 2 мылтық және оқ-дәрі тартып алынды. Күдіктілер қамауға алынды”, – делінген Павлодар облысы полиция департаменті хабарламасында.
Қазіргі уақытта аталған іске орай Қазақстан Республикасы Қылмыстық кодексінің екі бабы бойынша есірткіні мақсатты дайындау, қайта өңдеу, сатып алу, сақтау, тасымалдау есірткі құралдарын, психотроптық заттарды өткізу, жіберу немесе сату, сондай-ақ заңсыз сатып алу, беру, өткізу, сақтау үшін, қаруды, оқ-дәрілерді, жарылғыш заттарды тасымалдау және жарылғыш құрылғыларды алып жүру бойынша полиция қылмыстық іс қозғаған.
