Ол заңсыз түрде сырттай «МИЗАМ» көпқабатты тұрғын үй кешеніндегі пәтерлерді сатуға қойған
Ақтауда үлескерлердің қаражатын жымқыру фактісі бойынша өзін құрылыс нысанының иесімін деп көрсеткен азамактқа айыптау үкімі шықты, деп хабарлайды Qaz365.kz.
Бұл туралы Қаржы мониторинг агенттігінің Маңғыстау облысы бойынша департаменті мәлімдеді.
“Жүргізген тергеп-тексеру барысында Корниенко Н.Н. ешқандай өкілеттігі болмаса да, өзін «СК 2032» тұрғын үй-құрылыс кооперативінің басшысы ретінде көрсетіп, «МИЗАМ» көпқабатты тұрғын үй кешеніндегі пәтерлерді сатуға қатысты 9 келісімшарт жасағаны анықталды. Осылайша ол азаматтардың 70 миллион теңге көлеміндегі қаражатын жеке қажеттіліктеріне жұмсаған. Сот санкциясымен күдіктінің жалпы құны 200 млн теңге болатын 8 мың шаршы метр жер теліміне тыйым салынды. Сот үкімімен Корниенко Н.Н. 5 жылға бас бостандығынан айырылды”, – делінген ҚМА хабарламасында.
Енді оның мүлкіне салынған тыйым жәбірленушілердің азаматтық талаптарын өтеу үшін пайдаланылатын болды.
