Бұған дейін бірқатар БАҚ-та экс-министрдің қамауға алынғаны туралы ақпарат тараған болатын
Экс Қорғаныс министрі Руслан Жақсылықов Telegram-арналарда тараған өзіне қатысты ұсталды деген ақпаратты жоққа шығарды, деп хабарлайды Qaz365.kz.
Экс-қорғаныс министрі журналистермен бейнеқоңырау арқылы байланысып, өзінің Астанадағы үйінде екенін және отбасымен бірге түскі ас ішуге дайындалып жатқанын растады.
Бұған дейін бірқатар бұқаралық ақпарат құралдарында Руслан Жақсылықовтың 10 маусым күні Астанада тұтқындалғаны туралы ақпарат таратқан еді. Нақтырақ айтсақ, “Выход к правде” телеграм ресурсының мәліметінше, генерал-полковник уақытша ұстау изоляторына жеткізілген деген ақпарат жарияланған болатын.
Еске сала кетейік, Руслан Жақсылықов 2025 жылдың 8 маусымында қызметінен босатылған болатын.
