Жеке меншікке берілген жерлердің жалпы құны 54 миллиард теңге
Алматы қаласы маңындағы таулы аймақтағы 840 гектар жерлер мемлекетке қайтарылды, деп хабарлайды Qaz365.kz.
Бұл туралы ҚР Бас прокуратурасы мәлімдеді.
“«Международная ассоциация клубов» ЖШС-не заңсыз түрде жеке меншікке берілген жалпы құны 54 миллиард теңге болатын 840 гектардан астам жер анықталды.Аталған жерлер су қоры санатына жатады және заң бойынша жеке меншікке берілмеуі тиіс. 2025 жылғы 12 маусымда Алматы сотының сот алқасы прокуратураның талап арызын қанағаттандыру туралы қаулы шығарды”, – делінген прокуратура хабарламасында.
Қазіргі таңда, аталған жер учаскелерін босату жұмыстары жүргізілуде.
