Ресей елшілігі аталған жағдайға қатысты түсінік берді
Қазақстандағы Ресей елшілігі отандық футбол төрешісіне ұлтараздық тудыратын балағат сөздер айтқан ресейлік бапкерге қатысты түсінік берді, деп хабарлайды Qaz365.kz.
«Жергілікті блогосферада жарияланған Ресейдің 2drots медиа командасы жаттықтырушысының қазақстандық төрешілерге қатысты балағат сөздеріне қатысты айтар болсақ, біз мұндай әрекетке мүлдем жол бермейтінімізді хабарлаймыз. Сонымен қатар қазақстандықтарға қатысты мұндай риториканың белгілі бір ресурстарда айтылған көзқарас шындыққа сәйкес келмейді деп есептейміз. Ресей Медиа лига командасының бас бапкерінің ешқандай ресми мәртебесі жоқ. Сондықтан олардың бұл әрекетін Ресей халқының ұстанымының көрінісі деп санау дұрыс емес», – делінген Ресей елшілігінің жұма күнгі жауабында.
Айта кетейік, бұған дейін Қостанайда өткен медиа командалар арасындағы футбол жарысының финалында ресейлік 2drots командасының бас бапкері Дмитрий Кузнецов қазақстандық төрешіге: «Чукча еб*ная» дегенін жазған болатынбыз.