Құрбандар мен зардап шеккендер жоқ
Тараз Қалалық төтенше жағдайлар департаменті баспасөз қызметінің мәліметі бойынша бүгін, 30 қазан таңертең “Ауыл-Береке” базарында өрт шықты, деп хабарлайды qaz365.kz.
"30 қыркүйек күні сағат 07:52-де Мәмбет батыр көшесіндегі "Ауыл-Береке" базарының асханасы мен сауда дүңгіршіктерінен өрт шыққаны туралы хабарлама келіп түсті. Құрбандар мен зардап шеккендер жоқ. Өрттің шығу себебі анықталуда", ‒ делінген Төтенше жағдайлар департаменті хабарламасында.
Оқиға орнына Төтенше жағдайлар департаментінің 56 қызметкері мен 13 техниканың жеткені атап өтілді.
«Өрт таңғы 8.30-да оқшауланды, бірақ оны жою әлі жалғасуда», ‒ деп хабарлады өңірлік ТЖД.