Оқиға бүгін түнде сағат 00:30 шамасында орын алған
Астанадағы теміржол жүк контейнерінде жарылыс болды, деп хабарлайды Qaz365.kz.
Бұл туралы «Қазақстан темір жолы» ұлттық компаниясы хабарлады.
"Бүгін түнгі сағат 00:30-да Астана станциясының сұрыптау жолында платформадағы контейнерде жарылыс болды.Оқиға орнына құтқарушылар жедел жетті. Өрт болған жоқ. Бір адам жарықшақтан қолын аздап кесіп алды. Жедел медициналық жәрдем бригадасы оқиға орнында көмек көрсетті, ауруханаға жатқызу қажеті болмады», – делінген компания хабарламасында.
Қазір тергеу жұмыстары жүргізіліп, жарылыстың нақты себебі анықталып жатыр.
