Бұл туралы Жоғарғы сот хабарлады
Атырау облысында Махамбет аудандық сотының судьясы пара алып жатқан жерінде ұсталды, деп хабарлайды Qaz365.kz.
Атырау облысында судьяның алаяқтық әрекеттеріне қатысты материал 10 қаңтарда тіркелген.
«2024 жылдың 15 қаңтарында ҚМД-ның облыстағы қызметкерлері сот әкімшілігінің ішкі қауіпсіздік басқармасымен бірлесіп, судьяны 2,5 миллион теңге алып жатқан жерінде ұстады», – делінген Жоғарғы соттың хабарламасында.
Күдіктіге ешқандай процессуалдық мәжбүрлеу қолданылмаған. Сотқа дейінгі тергеу жалғасып жатыр.
