×

Жамбыл облысында қаңғыбас иттер мүмкіндігі шектеулі қызды талап тастаған

Қаңғыған иттер бастауыш сынып оқушысына шабуылдаған

Жамбыл облысында қаңғыбас иттер мүмкіндігі шектеулі қызды талап тастаған
Фото: Almaty.tv

Жамбыл облысында қаңғыбас иттер адамға шабуылдап, жазым қылып жатыр. Өткен демалыс күндерінің өзінде аймақта осындай бірнеше оқиға тіркелген. Соның бірі – Айша бибі ауылында 10 шақты бұралқы ит 20 жастағы мүмкіндігі шектеулі қызға шабуыл жасаған, деп хабарлайды Qaz365.kz тілшісі Алматы арнасына сілтеме жасап.

Жол ортасында таланған бұрымдыны жеңіл көліктегі жолаушылар құтқарып қалған. Осыған ұқсас жағдай Тараздағы Барысхан алқабында да болды. Мектеп маңында қаңғыған иттер бастауыш сынып оқушысына шапқан. Қатты шошынған жеткіншекті көршілері арашалап қалған.

Айта кетейік, зардап шеккендерге алғашқы медициналық көмек көрсетіліп, үйіне жіберілген. Ал облыстық ветеринария басқармасы оқиғадан соң сол аймақтарға жедел барып, жүзге жуық иттің көзін жойған. Бірақ жыл басынан бері 2,5 мың салпаңқұлақ ауланса да, апат азаймапты. Өйткені арадағы 2 айда қаңғыбас иттен зардап шектік деп мыңға жуық азамат арызданған.

«Биыл облыс бойынша итті аулап, жоюға 70 миллион теңгедей ақша бөлінді. Былтыр 35 млн теңге бөлінген. Бұралқы иттерді жою үшін қаржыны көбейтіп жатырмыз. Иесі бар иттерге қатысты ұсыныс айтсақ. Полиция арқылы иттің иесіне айыппұл салу керек», – деді облыстық ветеринариялық станция директорының міндетін атқарушы Ғабит Кебеев.

БіздіңTelegram каналына жазылып, соңғы ақпаратты оқыңыз. Егер хабарлама жолдағыңыз келсе, WhatsApp мессенжеріне жазыңыз.

Аватар автора
Qaz365.kz редакциясы

 Редактор

Бөлім жаңалықтары

Тағы оқыңыз
Астанада ер адам терезеден құлап бақилық болды
Кеше, 15:00

Астанада ер адам терезеден құлап бақилық болды

Ақпаратты қалалық Полиция департаменті растады

Соңғы жаңалықтар

Барлық жаңалық →