Денесі маңызды емес, бірақ қарны жоқ жігіт керек.
Париж олимпиадасының қола жүлдегері, белгілі боксшы Назым Қызайбай тележүргізуші Динара Сәтжанның бағдарламасында өзіне қандай жігіттер ұнайтынын айтты, деп хабарлайды Qaz365.kz.
«Негізі белгілі бір мынадай жігіттер ұнайды деп айта алмаймын. Адамды кездестіргенде өзің сезетін сияқтысың. Ең бастысы, көбісі спортсмен болу керек пе деп сұрап жатады. Менде ондай жоқ. Қай салада жүрсе де, еңбекқор, әдемі, ең бастысы, қарны болмай-ақ қойсын деп ойлаймын», - дейді боксшы.
Сондай-ақ ол сұхбат барысында өзі арықтағысы келіп жүргенін, бірақ диетаны әрең ұстайтынын айтты.
«Қазір салмағым 51-52 келі шамасында. Мен 51 келі салмақта жұдырықтастым. Ең бірінші 44 келі салмақтан бастағанмын. 48 келі салмақпен екі рет әлем чемпионы болдым. Ендігі мақсатым – бұрынғы салмағыма жету, 48 келіге дейін түсіру», - дейді ол.
