Айыппұл экологиялық талаптар мен ережелерді өрескел бұзғаны үшін салынған
«Маңғыстаумұнайгазға» экологиялық талаптар мен ережелерді өрескел бұзғаны үшін 32 млрд теңгеден аса айыппұл салынды, деп хабарлайды Qaz365.kz.
Бұл туралы Маңғыстау облысының прокуратурасы мәлімдеп отыр.
«Маңғыстаумұнайгаз» АҚ-ның қызметінде ағынды суды жер қойнауына жіберу, сондай-ақ тиісті шектеу орнатпай, бұрғылау қалдығын жинақтаумен байланысты өрескел заң бұзушылықтар анықтады. Соттың 04.12.2024 жылғы қаулысымен компания Әкімшілік құқық бұзушылық туралы кодекстің 328-бабымен әкімшілік жауапкершілікке тартылып, 31 млрд теңге көлемінде айыппұл салынды. Сот актісі заңды күшіне енді», – делінген Бас прокуратура хабарламасында.
Сонымен қатар, мұнай жылыту пешінен қоршаған ортаға ластаушы заттардың шамадан тыс шығарылу фактісі де анықталып, 1,2 млрд теңге айыппұл салынған.
