Күдікті Telegram арқылы марихуана тұқымын тапсырыс беріп, поштамен алдырып отырған
Степногорскіде есірткі өсірумен айналысқан ресейлік ұсталды, деп хабарлайды Qaz365.kz.
Бұл туралы ҚР ІІМ баспасөз қызметі мәлімдеді.
«Степногорск қаласында Ресей Федерациясының 37 жастағы азаматы үйінде марихуана өсіретін жасырын зертхана ашқан. Сол пәтерде оның 5 баласы да тұрған.Тінту барысында өсімдіктерді өсіруге арналған фитошам, желдеткіш құрылғы және басқа да техникалық жабдық, тыңайтқыш пен химиялық реагент, марихуана бұтасы, тұқым салынған пакет тәркіленді. Күдікті Telegram арқылы марихуана тұқымын тапсырыс беріп, поштамен алдырғанын», - делінген ІІМ хабарламасында.
Қазіргі таңда Қылмыстық кодекстің 300-бабы бойынша қылмыстық іс қозғалып, сотқа дейінгі тергеу амалдары жүргізіліп жатыр.
