Өзгерістер 2025 жылдың 5 сәуірінен бастап заңды күшіне енеді
Елімізде көлікті техникалық тексерістен өткізу ережелеріне өзгерістер енді, деп хабарлайды Qaz365.kz.
Бұл туралы ақпаратты ҚР Көлік министрлігінің баспасөз қызметі мәлімдеді.
“Бұдан былай техникалық тексеріс операторлары қызметін рұқсаттың екінші санатын алған күннен бастай алады. Бұған дейін бұл рұқсат туралы хабарлама берілген күннен бастап жүзеге асырылатын.Көліктердің техникалық тексеру мерзімі олардың санатына байланысты өзгерді”, – делінген хабарламада.
Жеке мақсаттағы көліктер:
- Шығарылған жылын қоса алғанда, 7 жылдан асқан М1 санатындағы көліктер – жылына 1 рет.
- 1 жылдан асқан N1-3, О1-4, L1-7 санатындағы көліктер – жылына 1 рет.
Кәсіпкерлік мақсатта қолданылатын көліктер:
- М1 санатындағы, сондай-ақ жолаушылар мен жүк тасымалдауға арналған М2, М3, N санатындағы көліктер – 6 ай сайын.
- Қауіпті жүктерді тасымалдауға арналған немесе арнайы жабдықталған көліктер – 6 ай сайын.
Бұл өзгерістер 2025 жылдың 5 сәуірінен бастап заңды күшіне енеді.
