Белгілі журналист Михаил Козачков өзінің Telegram арнасында «Атамекен» ұлттық кәсіпкерлер палатасының (ҰКП) бұрынғы басқарма төрағасы Абылай Мырзахметов пара берген кім болуы мүмкін екенін жазды, деп хабарлайды Qaz365.kz.
Ол осы ретте жақында сотталған олигарх Қайрат Боранбаевтың інісі Талғат болуы мүмкін деп отыр.
«Абылай Мырзахметов ісінде пара беруші деп күдікке ілінген тұлға Талғат Боранбаев болуы мүмкін. Ол – олигарх, жақында сегіз жылға бас бостандығынан айырылған Қайрат Боранбаевтың інісі», – дейді Михаил Козачков.
Айта кетейік, 10 мамыр күні кешке Абылай Мырзахметов 30 миллион доллар (Т13,3 млрд) пара алғаны үшін ұсталған. Кейін «Антикор» Мырзахметовке қарсы қылмыстық істің қозғалғанын ресми түрде растады.
