Айыпталушы 2023 жылдың 11 қыркүйегіне дейін қамауда болады
Алматыда өгей қызын өлтірді деген күдікке ілінген әйел екі айға қамауға алынды, деп хабарлайды Qaz365.kz тілшісі қалалық соттың баспасөз қызметіне сілтеме жасап.
"Алматы қаласының мамандандырылған ауданаралық тергеу сотының 2023 жылғы 14 шілдедегі қаулысымен күдікті Т есімді әйелге қатысты "ауыр қылмыс жасады" деген айып бойынша сотқа дейінгі тергеп-тексеру органының арызы қанағаттандырылып, сотқа дейін бұлтартпау шарасы қолданылып, 2 ай мерзімге қамауға алу түріндегі жаза тағайындалды", – делінген хабарламада.
Айыпталушы 2023 жылдың 11 қыркүйегіне дейін қамауда болады.
Еске сала кетейік, Алматыда әйел өзінің жеті жасар өгей қызын өлтірді деген күдікке ілінген болатын. Қыздың туыстары өгей анасы баланы бірнеше ай бойы ұрып-соғып келгенін мәлімдеді.
