×

Ленинді қайтару қанша тұрады

ШҚО-да қираған ескерткішті не істеу керектігін шешіп жатыр

Ленинді қайтару қанша тұрады
Любовь Кожевникова

Шығыс Қазақстан облысында жақында реставрацияға жібермек болып, абайсызда құлап қалған Ленин ескерткішін не істеу керектігін шешіп жатыр. Оқиға Алтай қаласында болған, деп хабарлайды Qaz365.kz.

Белгілі болғандай, Ильич ескерткіші жергілікті маңызы бар тарих және мәдениет ескерткіштерінің Мемлекеттік тізіміне енгізілген, бірақ оны қалпына келтіруге қанша қаражат пен уақыт кететінін мамандар әзірге білмейді.

Қазіргі уақытта бүлінген Ленин ескерткіші «Европлюс Восток» ЖШС кәсіпорнының базасына жеткізіліп, ШҚО тарихи-мәдени мұраны қорғау мекемесінің мамандары тексеру жұмыстарын жүргізді.

«Біз залал келтіру актісін жасадық. Келесі қадам ескерткішті қалпына келтіру мүмкіндігі туралы сараптаманың қорытындысы болады. Мұны лицензиясы бар ұйымдардың сәулетшілері мен реставраторлары жасайды. Өңірде мұндай адамдар бар», – дейді ШҚО ҚМУ археология, ескерткіштер және сәулет бөлімінің меңгерушісі Есет Ләзімқанов.

Тағы бір мәселе - жөндеуге ақша қайдан алынатыны. Егжей-тегжейлі тексеру кезінде мүсіннің қолы үзіліп, білегі жарылған және қондырманың «көзілдірігі» сынғаны анықталды.

«Сынық сызыққа қарағанда, мүсіннің білегі құйылып жасалған. Қиын болады, бірақ мұның барлығын қалпына келтіруге болады», – дейді «Шығыс Строй Проект» ЖШС техникалық менеджері Сергей Оградов.

Ескерткішке зиян келтіру фактісі бойынша ҚР Қылмыстық кодексінің 203-бабының 1-бөлігі «Тарих, мәдениет ескерткіштерін, табиғат кешендерін қасақана жою немесе бүлдіру» фактісі бойынша сотқа дейінгі тергеп-тексеру жүргізіліп жатқаны белгілі болған еді. 

Еске сала кетейік, бірнеше күн бұрын Алтай қаласында әкімдік алдында тұрған Лениннің ескерткішін тракторшы абайсызда құлатып алған еді. Кейін ескерткішті жаңғыртуға жауапты болған кәсіпкер өз қаражатымен оны орнына қайта қоятынын мәлім етті. Ал облыстық полиция департаменті осы оқиғаға байланысты сотқа дейінгі тергеу басталғанын жариялады. Бұл жағдай Қытайда да қызу талқыланды.

БіздіңTelegram каналына жазылып, соңғы ақпаратты оқыңыз. Егер хабарлама жолдағыңыз келсе, WhatsApp мессенжеріне жазыңыз.

Бөлім жаңалықтары

Тағы оқыңыз
Бірыңғай уақыт белдеуіне көшу: гаджет иелеріне нұсқау ұсынылды
26.02.2024ж. 15:56

Бірыңғай уақыт белдеуіне көшу: гаджет иелеріне нұсқау ұсынылды

Құрылғының бағдарламалық жасақтамасын жаңарту қажет
Ол қайырымды жан мұндай ізгі-ниет іс-шарасын ешкімнен ештеңе күтпей істейтінін, ақкөңілмен жасайтынын еске салып өтті

Соңғы жаңалықтар

Барлық жаңалық →