Көпшілік пікірі екіге бөлінді
Танымал әнші Қайрат Нұртастың туған інісі Заңғар Нұртас екінші рет отбасын құрды. Кеше демалыста Айдарбековтер әулеті қыз жаққа құда түсіп барды. Бұл құдалық Жалпыұлттық аза тұту күніне тұспа-тұс келгендіктен, басында желіге жарияламаған болатын. Енді, міне, желіде алғашқы видеолар шығып жатыр, деп хабарлайды Qaz365.kz.
«Шымкентте неше күннен бері неге жүргенімізді бәріңіз біліп отырған шығарсыздар. Иә, біз Заңғар ұлымыздың құдалық тойына келіп қалдық. Құдалық мың жылдық болсын! Қазақстандағы топ- құдалықтың бірі болды. Құдаларымыз керемет адамдар екен», – деп жазды Гүлзира Айдарбекова Instagram парақшасында.
Продюсер желіде құдалықта келінге берген киімдерін көрсеткен. Мұны түсінбей жатқандар көп.
«Киімін қыздың ата-анасы апармайды ма? Бұл не деген дәстүр?», «Туфлиге документтің не керегі бар?», «Мұндай салт жоқ еді ғой», «Мынау дәстүр жақсы екен негізі, алып берсін, несі бар? Бізде дәстүрдің бәрін қызға тіреп қойған ғой», «Алайын деп отырған келініне киім апарғаны несі?..» – деген пікірлер жазылған.
Бірақ кейбіреулер мұндай салт Шымкент жақта бар екенін түсіндірген. Яғни оңтүстік жігіттің туыстары келінге 9 киім апаратынын айтқан. Сонымен қатар Гүлзира Айдарбекованың бұл әрекетін «мақтаншақтыққа» балап жатқандар бар.
«Мақтаншақ-ай!..», «Біреуге мал қайғы, біреуге жан қайғы» деген осы екен», «Құдағай шуба кигізбеген бе?», «Айналдырып көрсетіп мақтанды-ау!..», «Осы қатынның жыры бітпейтін болды ғой», – деген сарындағы пікірлер де жазылған.
