Суретте экс-президенттен бөлек басқа да туыстары бар
Желіде Нұрсұлтан Назарбаевтың ауруханада жүрген суреті тарады, деп хабарлайды Qaz365.kz тілшісі Massaget.kz-ке сілтеме жасап.
Сурет EgovPress Telegram-арнасында пайда болды. Алайда сурет нақты қайда, қай күні жасалғаны белгісіз.
Суретте экс-Президенттен бөлек басқа да туыстары бар. Оның ішінде Самат Әбіш, Әнипа Назарбаева да бар.
Еске салайық, бұған дейін аурухана өкілдері Болат Назарбаевтың денсаулығына қатысты мәлімдеме жасаған болатын.
"Пациент қазір Алматыдағы Орталық клиникалық ауруханада жатыр. Болат Назарбаевтың жағдайы туралы ақпаратты тек пациенттің туғандарының келісімін алған соң хабарлай аламыз. ҚР заңдарына сәйкес, ауруханада емделушілердің жеке басына және денсаулығына қатысты мәліметті тек пациенттің жақындарының рұқсатымен жариялауға құқылымыз", – делінген жауапта.
Осыған қатысты Qaz365.kz тілшісі Болат Назарбаевтың «Салиқалы ұрпақ» қоғамдық қорына хабарласып, мән-жайды білген болатын.
