×

Антикор Тоқаевтың тапсырмасынан кейін Назарбаевтың жиенінің компаниясын тексереді

Антикор басшысы құрылымдық және аумақтық департаменттің басшыларымен жедел кеңес өткізді

Антикор Тоқаевтың тапсырмасынан кейін Назарбаевтың жиенінің компаниясын тексереді
Фото: tn.kz

Антикор сейсмикалық қауіпті өңірлерде дабыл қағу жүйесіне жұмсалатын шығындардың негізділігін зерделеуге кірісті, деп хабарлайды Qaz365.kz.

Агенттік төрағасы Асхат Жұмағали Мемлекет басшысының жер сілкінісі туралы хабарлау жүйесіндегі жағдайды зерделеу туралы тапсырмасын іске асыру бойынша құрылымдық және аумақтық департаменттің басшыларымен жедел кеңес өткізді.

Ел Президенті Алматы қаласындағы сейсмикалық қауіпсіздік мәселелері жөніндегі кеңес барысында Бас прокуратурамен бірлесіп, бюджет қаражатының қайда жұмсалғанын анықтауды тапсырды.

«Осыған байланысты агенттік қызметкерлерінің арнайы тобы шығыстардың негізділігін, мемлекеттік сатып алуды жүргізудің заңдылығын зерделеуге кірісті.  Антикордың аймақтық департаменті тиісті аудиторлық тексеруге бастамашы болды. Сыбайлас жемқорлыққа қарсы ведомствоның төрағасы барлық сейсмикалық қауіпті өңірлерде 2018 – 2023 жылға дейінгі кезеңде сейсмикалық қауіпсіздікті қамтамасыз етуге бөлінген бюджет қаражатының жұмсалуына мониторинг жүргізуді тапсырды», – делінген хабарламада.

Алматы қаласымен қатар оларға Шымкент қаласы, сондай-ақ Абай, Жетісу, Алматы, Шығыс Қазақстан, Жамбыл, Қызылорда және Түркістан облыстары кіреді.

Мониторинг барысында бақылау-қадағалау органдарын тексеру нәтижелерін, сот-тергеу практикасын, ғылыми ұйымдардың қорытындыларын зерделеу және осы өңірлерде құрылыс барысында сейсмикалық қауіпсіздік талаптарын сақтау, азаматтардың өтініштері мен БАҚ-тағы жарияланымдарды талдау көзделген.

Сыбайлас жемқорлыққа қарсы мониторинг шеңберінде сейсмикалық қауіпсіздікті қамтамасыз етудің басқа да мәселелері зерделенетін болады.

Айта кетейік, бұған дейін Алматы қаласы бойынша Төтенше жағдайлар жөніндегі департаменті TNS-INTEC компаниясымен келісімшарт жасап, жер сілкінісін ерте ескертетін дабыл жүйесін орнатуға келіскені анықталған болатын. Бірақ жер сілкінгенде ол дабыл қағылған жоқ. Бұл компанияға экс-президент Нұрсұлтан Назарбаевтың жиені Нұрәлі Әлиевтің қатысы бар.

БіздіңTelegram каналына жазылып, соңғы ақпаратты оқыңыз. Егер хабарлама жолдағыңыз келсе, WhatsApp мессенжеріне жазыңыз.

Аватар автора
Qaz365.kz редакциясы

 Редактор

Бөлім жаңалықтары

Тағы оқыңыз
Кәрім Мәсімов түрмеден босап шықса да таңғалмаймын – Зайытов
Бүгін, 15:30

Кәрім Мәсімов түрмеден босап шықса да таңғалмаймын – Зайытов

Мәжілісмен оның түрмеден босап шықса да таңғалмайтынын жеткізді
Пашинян мұндай мәлімдемелермен бірінші рет жасап тұрған жоқ
Оның айтуынша, соттың әділ өтуін қоғам болып жан-жақты қадағалау қажет.

Соңғы жаңалықтар

Барлық жаңалық →