Әнші босанғаннан кейін салмақ қосқанын жасырмады
Танымал эстрада жұлдызы Ерке Есмахан өмірге екінші сәбиін әкелген соң, қайтадан сахнаға оралды. Ол Ақтөбедегі кешінде тұрмысқа шыққаннан кейін өмірінің қалай өзгергенін айтып берді, деп хабарлайды Qaz365.kz.
«Бәрін өзім істеймін. Бәрі өз қолымнан келеді, ақша табамын, көп жұмыс істеймін, көлікті де өзім жөндетемін. Бәріне өзім жүгіріп жүретінмін. «Күйеуге шықпаймын, маған ол не керек» деп жүрген едім. Ұлым Мүслім бар. Енді өз рахатым үшін өмір сүремін дегенмін ғой. Шыныменде уақыт өте келе тұрмысқа шыққаннан кейін жүрегім тыныштық тауып, үйде әйел бола бастадым. Ерке Есмахан екенімді ұмытып, кішкене салмақ қосып, бақытты әйел болдым. Аяғым ауыр кезде үйде отырып Аллаға шүкіршілік айтамын. Әйел адамның табиғаты осы екен. Қасымызда арқа сүйер ер азаматымыз болса болғаны», – дейді Ерке Есмахан.
Сонымен қатар әнші босанғаннан кейін салмақ қосқанын жасырмады. Оны «күйеуімнің шексіз қамқорлығының арқасы» деп түсіндірді.
«Қыздар, толық мүсінімді қабылдауға рұқсат беріңіздер. Өзіме ұнаймын. Күйеуіме ұнаймын. Менің толысып жүргенім сол кісінің арқасы. Басқа дым керек емес. Рианна екеуміз босанған кейін өмірге ризамыз», – деді әнші.
Желі қолданушылары да өз ойларын жазған.
«Бұл сөздердің бәрін Ерке шынымен де бақытты болғандықтан айтып жатыр», «Сондай жігіт кездеспей жатыр», «Коучтар ажырас дейтін, сен керсінші күйеуге шық дейтін коуч бол», «Бәрі дұрыс», «Жүрекке тыныштық керек», «Сөз табады», – делінген пікірлер бар.
