Халық арасында танымал болу үшін көптеген әнші, жұлдыздар, тіпті саясаткерлер PR технологияларын пайдаланады
PR саласының майталман мамандары Ақсұлу Саңғалидың жаңа подкасында қонақта болды. Олар елімізге белгілі әнші Қайрат Нұртастың анасы Гүлзира Айдарбекованың продюсерлік жұмысын жоғары бағалады, деп хабарлайды Qaz365.kz.
«Қайрат Нұртастың әндері онша ұнай бермейді. Бірақ оның анасы мықты PR-щик», – дейді Сыртқы істер министрлігінің Коммуникациялар департаментінің директоры Айбек Смадияров.
«Қайрат Нұртасты тығылып тыңдайтындар бар», – деп қосты ол PR және медиаға қатысты подкаст барысында.
Сөз барысында олар бірауыздан әнші Қайрат Нұртастың анасын мықты пиарщик деп мойындады.
Айта кетейік, халық арасында танымал болу үшін көптеген әнші, жұлдыздар, тіпті саясаткерлер PR технологияларын пайдаланады. Оны жарнама, маркетинг, журналистерге сұхбат берудің жүйесі ретінде көретіндер бар.
