×

Қазақстанда жаңа ипотекалық бағдарлама пайда болады

7%-дық жаңа ипотекалық бағдарлама

Қазақстанда жаңа ипотекалық бағдарлама пайда болады
Фото: Ақорда

Қазақстанда әлеуметтік тұрғыда осал топтағы жандар үшін жаңа ипотекалық бағдарлама пайда болады. Бұл туралы Мемлекет басшысы Қасым-Жомарт Тоқаев айтты, деп хабарлайды Qaz365.kz.

«Баспана – жұрттың  тұрмыс сапасын танытатын тағы бір маңызды көрсеткіш. Биыл 1 наурыздан бастап іске қосылған «Отау» ипотекалық бағдарламасы ел ішінде үлкен сұранысқа ие болып отыр. Бұған қоса ауыл және аудан орталығының тұрғындарына арналған жаңа тұрғын үй бағдарламасын қолға алу керек. Бұл ретте әлеуметтік тұрғыда осал топтағы жандар үшін несие өсімі 7 пайыздан аспауы қажет. Сонымен қатар сатып алу құқығымен жалға берілетін баспана санын бірнеше есе көбейтуді Үкіметке тапсырамын», – деді Тоқаев.

Президент жаңа ипотекалық бағдарламаның елдегі құрылыс қарқынын арттыратынын атап өтті.

«Жеңілдетілген жаңа ипотеканың енгізілуі және жалға берілетін тұрғын үйдің көптеп салынуы құрылыс қарқынын арттырады. Құрылыс саласында жүз мыңдаған отандасымыз адал еңбек етіп жүр. Ең бастысы, бұл бағдарлама баспанаға мұқтаж көптеген адамның үй алуына жол ашады», – деді президент.

БіздіңTelegram каналына жазылып, соңғы ақпаратты оқыңыз. Егер хабарлама жолдағыңыз келсе, WhatsApp мессенжеріне жазыңыз.

Аватар автора

 Редактор

Бөлім жаңалықтары

Тағы оқыңыз
Түркістанға ерекше мәртебе беріледі
Бүгін, 14:21

Түркістанға ерекше мәртебе беріледі

Қожа Ахмет Ясауи кесенесі маңындағы құрылыс мәселесі де талқыланды
Қазіргі балалардың тұтас бір буынының әкесі немесе шешесі жоқ
​Жалпы облыста 2 353 спорт нысаны бар

Соңғы жаңалықтар

Барлық жаңалық →