×

Денсаулық сақтау министрі Түркістан облысы тұрғындарымен кездесті

Министр алдымен халқы тығыз орналасқан Сауран ауданына барды

Денсаулық сақтау министрі Түркістан облысы тұрғындарымен кездесті

Бүгін Түркістан облысына ҚР Денсаулық сақтау министрі Ақмарал Әлназарова жұмыс сапарымен келді, деп хабарлайды Qaz365.kz.

Денсаулық сақтау министрі халықпен кездесіп, өңірдегі медициналық нысандарды аралады, азаматтарды жеке өтініштерімен қабылдап, брифинг барысында журналистердің сұрақтарына жауап берді.

Ақмарал Шәріпбайқызы алдымен халқы тығыз орналасқан Сауран ауданына барды. Аудандағы орталық емхананың жай-күйімен танысып, жергілікті халыққа көмек көрсету сапасын бақылады.

5 құрылымдық мекемеде, атап айтқанда Шаға, Ораңғай, Ескі иқан, Қарашық Бастапқы медициналық санитарлық көмек көрсету орталы мен А.Үсенов дәрігерлік амбулаториясынан зертхана бөлмелері жасақталған. Түркістан облысы әкімінің орынбасары Бейсенбай Тәжібаев медициналық нысандарды таныстырып, атқарылып жатқан жұмыстарды баяндады.

Сондай-ақ министр Түркістан қалалық емханасының жұмысымен танысты. Қалалық емханада 94 432 азамат тіркеліп, медициналық көмек көрсетіледі. Мекемеде 70 аймақ дәрігері жұмыс атқаруда. Қалалық емхананың жұмысы жүйелі екенін атап өткен министр, қызмет көрсету сапасын оң бағалады.

Түркістандағы сапар барысында Ақмарал Шәріпбайқызы өңірдегі медицина ұйым басшыларымен бірге жергілікті тұрғындармен кездесіп, мәселелерін тыңдады. Министр жергілікті атқарушы орган өкілдеріне аталған проблемаларды дереу шешуді тапсырды. Халық сапалы медициналық көмекпен қамтылуы тиіс екенін ескертті.

Одан кейін еліміздің бас дәрігері өңір тұрғындарын жеке қабылдады. Түркістандықтар министрге шет елге берілетін квота, дәрі-дәрмекпен қамтамасыз ету, ауру диагноздарын нақтылау бойынша ұсыныстары мен шағымдарын айтты.

БіздіңTelegram каналына жазылып, соңғы ақпаратты оқыңыз. Егер хабарлама жолдағыңыз келсе, WhatsApp мессенжеріне жазыңыз.

Аватар автора
Qaz365.kz редакциясы

 Редактор

Бөлім жаңалықтары

Тағы оқыңыз
Құрбандық шалғанда оқылатын дұға
14.06.2024ж. 22:58

Құрбандық шалғанда оқылатын дұға

Негізінде, ғибадатта ниет ету – өте маңызды
Қазір базарда құрбандық шалу үшін мал іздеп жүрген халықтың қарасы қалың
Сондай-ақ ол Жоғарғы Кеңестің және Алматы қаласы мәслихатының депутаты болған

Соңғы жаңалықтар

Барлық жаңалық →