Еркін күрес шебері осы қарқынды тоқтатпаймыз дейді
Сидней олимпиадасының күміс жүлдегері Ислам Байрамуков әлем чемпионы атанған Ризабектің жеңісі туралы пікір білдірді, деп хабарлайды Qaz365.kz.
"Аңсаған жеңіс, тарихи жеңіс – алтын медаль. Еркін күрес тарихында бірінші медаль. Сұхбат бергенде, тікелей репортаж жүргізгенде үнемі менен «біз қашан алтын медаль аламыз? Қырғыздар қаншама медаль алып жатыр, біздікілер қашан алады?» деп сұрайтын еді. Сол кезде дарынды балаларымыз бар, дайындалып жатыр, біргүні топ етіп түседі деп жауап беретін едім.
Жарысқа кетер күні Ризабекпен кездескен болатынбыз. Ол кезде жасөспірімдер арасында әлем біріншілігінде ирандық спортшыға есе жіберіп, күміс медаль алған кез еді. «Аға, кеш дайындалдым» деді. Міне, күні кеше сол тарихи сәтке қол жеткіздік. Осы қарқынды тоқтатпаймыз", - дейді еркін күрес шебері.
Сондай-ақ, Ислам Байрамуков Азамат Дәулетбековтен де үміт күтетінін айтты.
