Қазақстан мен Өзбекстан неше алтын алды?! Бокстан Черногорияда өткен жастар арасындағы ӘЧ

Черногорияның Будва қаласында бокстан жастар арасындағы әлем чемпионаты аяқталды, деп хабарлайды Qaz365.kz.

Біздің боксшылар  дүбірлі додада барлығы 17 жүлдеге ие болды.  Оның 6- алтын, 1-күміс, 10- қола. Алты алтын медаль еншілеген Қазақстан құрамасы жалпыкомандалық есепте бірінші орынды иеленіп отыр.

• Ерлер құрамасынан Бексұлтан Боранбек (51 кг), Төрехан Сабырхан (67 кг), Өнер Сейілхан (71 кг) және Санжарәлі Бегалиев әлем чемпионы атанды.
• Ал, қыздар құрамасынан Елянур Турганова (50 кг) мен Аружан Зейноллаева (81 кг) бірінші орын иеленді.
• Сонымен қатар, Ұлдана Таубай (66 келі) жарыстың күміс жүлдегері атанып отыр.
• Бұдан бөлек, Қазақстанның қоржынында 10 қола медаль бар: Диас Берікбай (48 кг), Жансери Көшербаев (57 кг), Расул Асанханов (92 кг), Аслан Елдібайұлы (92+ кг), Анель Абдрасилова (48 кг), Бағжан Отынбай (52 кг), Толғанай Қасымхан (60 кг), Аружан Жаңабаева (63 кг), Шұғыла Нәлібай (75 кг), Панар Сейтханқызы (81 + кг).

5 алтын медаль алған Өзбекстан құрамасы екінші орын алса, тура осынша алтын медаль жеңіп алған ресейлік команда үшінші орынға табан тіреді.