Пәтерлерді сату бойынша хабарландырулар жариялап қойған.
Алматы әкімдігі пәтер сатып алуға ұсынылмайтын тағы бір тұрғын үй кешенін атады, деп хабарлайды Qaz365.kz тілшісі.
Алматы қалалық құрылыс бақылау басқармасының ақпаратына сәйкес, интернет-ресурстарда «DEMEU Residence» тұрғын үй кешенінде құрылыс салушы Demeu Development пәтерлердің сатылуы бойынша хабарландырулар жарияланған.
«Меншік иесі құрылысқа рұқсат құжаттарын алған жоқ. Сонымен қатар қаланың 192-ші өндірістік кооперативінде орналасқан жер учаскесінің мақсатты бағыты жеке қосалқы шаруашылық жүргізу болып табылады. Учаскеде құрылыс жүргізілмейді. Алайда хабарландыруда тұрғын үй кешенін ағымдағы жылдың IV тоқсанында тапсыру жоспарланғаны көрсетілген», - делінген әкімдік ақпаратында.
Басқарма өкілдері, қала тұрғындарын абай болуға және жылжымайтын мүлікті сатып алмас бұрын +7 (727) 229-81-36 нөмірі бойынша салынып жатқан ТК құжаттардың толық пакетін тексеруге шақырады.
Бұған дейін Алматыда екі тұрғын үй кешені заңсыз пәтер сатуға шығарған.