Қытайдағы хид-парадта бұл ән үшінші орынға көтерілген
Adam есімді қазақстандық әншінің «Жүрек» атты әні соңғы кездері TikTok платформасында үлкен танымалдыққа ие болған еді. Желіде Өзбекстаннан ұрлап алды деп айыптағандар болған. Осыған қатысты әнші жауап берді, деп хабарлайды Qaz365.kz.
Өйткені Өзбекстанның осы әннің ырғағына ұқсас әнге видео түсірілген. Сондықтан екі елдің тыңдармандары арасында өзара «біздікі» деген талас тудырып жатыр екен.
«Бұл видеоға дейін ол жігіттерді танымайды екенмін. Қазір де жеке танымаймын. Бірақ видеоны көрдім. Өзбекстаннан ұрлап алдыңыз ба дегендер бар. Бірақ барлығын түсіндірдім. Адамдардың көбісі сенді. Халықты да түсінуге болады. Өзбекстаннан, Қырғызстаннан талай әндер алғанбыз. Бұл менің таза өз әнім. Таза жүректен шыққан ән. Аты да «Жүрек». Бұл кісілердікі жай ғана хайп. TikTok желісінде 5 мың долларға клип түсіріп қойған әніміз еді, қазақ әншісі ұрлап алды деп таратып жіберген. Өзім ешкімнің әнін алып көрмеген едім. Тек өзімдікін орындаймын. Өзбекстан азаматтары кейін мойындады, хайп болғанын айтты», - дейді Adam «Қызық таймс» бағдарламасында.
Айта кетейік, «Жүрек» әні Қытай, Корея, Вьетнам, Марокко, Албания, Германия, Украина, Армения, Франция сияқты елдерде танымалдыққа ие болған. Қытайдағы хид-парадта бұл ән үшінші орынға көтерілген.